شعر/ مؤمل الموسوي
من اهيم بكربلة يخطر سؤال
شلون ذاعت مدرسة بصمت القبور
ومن فرع جدرانها اشلبت منارة
وگام من يصعد مؤذن ينثلم من عدهة سور
ويخطر أبالي سؤال
ويوكف اكبالي معلم
بيدة عبرة وتوجع ويمكنها دين
وجان بيدة الثانية محظر سمة
وجان تاريخ العلى الصبورة زور
وجان موضوع الدرس
كلش جبير
ايدك نواقيس الضمير
وللاسف ماكو حظور
احنة غيياب بكثر نهر الفرات
ولو حظرنه انضيع بالطاسه سبيل
انضيع بالهامش حداد
نركض بليل الخليفة نحاول نكثر السواد
نرسم بعينة مضلة ونقتنع بالشمس جذبة
حتى ما تنباك شذرة من ليالي شهرزاد
المهم عدنة طقوس و نحزن
بهاي القيافة
وبالسهولة اطيح دمعة
وهو عد الله حقيقة وطايح من الجنة حور
والعذر يمشي اعلى كدنة وقانعين
وذاك ماي اوجوهنة الحشم تعال
بس فرقهة اليوم خطوات ومزار
ولو تجي تكلب رسايلنة حشود
بين راكع بين ساجد و بين حافي
مبسط بدم مستعار
وناس تمشي بلاية روس
وتنكل بسوك الدعاية
والبعض بيهم يغني
وفوك مشدود اعلى خشبة وتنگر براسة الطيور
ومن يمر جلاد نهتف مر علينا الدم رخيص
عدنة غير احجاية نگدر نگدر انجيب الخبز
المهم عدنة وسيلة و دف حلال و جم غلاف وعدنة ادين اصفك بلاية شعور
وعدنة ضجة وصوت بس ناقص وتر
احنة وين اصير من لاء الحسين
يا هذاك الخلة اول موت ينشال بضرف
يا شعار ولافتة
الخطهة الله بيدة وغيرت وجه السنين
واحنة غيرنا الفريضة
من سمعنة البوق نادة وطگ باصابعنة نفير
ورحنة بايعنة وادينة مشوهات
يوم كص اصواتنة بأسم الاله
ولمهن بقاصة اسمهة الاقتراع
وهسة هنة كلادة لابسها الامير
تعليقات
إرسال تعليق